Talde honek hizkuntzarekin lotutako garapen nahasteak ikertzen ditu, hala nola, dislexia eta hizkuntzaren nahaste espezifikoak. Bereziki interesatzen zaigu hizkuntza baten ezaugarri ortografikoek (konsistentzia ortografikoa eta gardentasuna) nola eragiten duten haur elebidunen (ibilbide tipiko eta atipikokoak) irakurketa estrategietan euren bi hizkuntzetan irakurtzen dutenean. Gainera, irakurketarako azpi-gaitasunen garapena ikertzen dugu (adb., kontzientzia fonemikoa, izendatze automatizatu azkarra, atentzio bisualaren zabalera) irakurtzen ikasi aurreko eta jada irakurtzen dakiten haur elebidunekin. Halaber, garapeneko dislexiaren kausa komunikazio interhemisferikoa eta frekuentzien arteko fase-zabalera akoplamendua eragiten duten funtzio oszilatorio auditibo atipikoetan ote dagoen ikertzen dugu; gure helburu nagusia dislexiaren biomarkadore neuronalak aurkitzea da.