Gure helburu nagusia hizkuntzaren pertzepzioa eta produkzioa aztertzea da, euren interakzioa eta kontrola, bereziki gogo elebidunetako hizkuntzen arteko interakzioa. H1 eta H2-ren produkzio eta pertzepzioan eragina duten faktoreak aztertzea dugu helburu, testuinguruko osagaiak barne (adb. hizlari/entzulearen atzerriko ahoskera). Gainera, bereziki zentratu gara bigarren hizkuntzako soinu eta hitzen ikaskuntza optimizatzen eta eragiten duten faktoreetan (adb. ortografia, kontzientzia, modalitate artekoa). Beste ikerketa-lerro batek elebidunen hizkuntzen kontrola du oinarri, H1 eta H2aren arteko interferentziak aztertuz hitz eta esaldien pertzepzio eta produkzioak elebakar eta elebidunen (aldaketa) moduetan. Eskala handiko ERC* ikerketa-proiektu bat hasi berri dugu ortografia sistemak hizketan eta hitz pertzepzio eta produkzioan duen eraginari buruz, hainbat modalitatetan (entzutezkoa, irakurketa, ahozkoa, idatzizkoa), hizkuntzatan (ortografia opaku eta gardenak), eta populaziotan (elebakarrak eta elebidunak irakurketa gaitasun desberdinekin). * Proiektu honek Europako Ikerketa Kontseiluaren (ERC) finantziazioa jaso du, Europar Batasunaren Horizon 2020 ikerketa eta berrikuntza programaren bidez ( 819093. dirulaguntza-erabakia).