Genero-ekitaterako bideak marrazten hezkuntzanErdi Aroko historiako gaien analisia eta proposamena

Abstract

Feminismoa azken hamarkadetan gizartean aldaketa handiak egitea lortu duen gizartemugimendua da. Hala ere, genero-ikuspegia ez da behar bezala txertatu ikasgeletan eremu askotan, eta, bereziki, hezkuntza-liburuei dagokienez. Gaian sakontzeko eta Lehen Hezkuntzako eskoletako egungo egoera ezagutzeko helburuarekin, gaur egun Erdi Aroa lantzen ari diren Lehen Hezkuntzako 5. mailako Gizarte Zientzietako liburuetako hamar unitate didaktiko aztertu dira. Lortutako emaitzetatik abiatuta, emakumeen eta gizonen ordezkaritzari dagokionez, ekitate eza hauteman da. Hala, irakats-materiala berrikusi eta aldatu behar dela ezartzen da, gizarte bidezkoago, orekatuago eta kritikoago bat sortzen parte har dezan.