La regulación del comercio internacional de productos agrícolas y textiles y sus efectos en los países del Sur

Abstract

Lan honek aztertu egiten ditu nekazaritza eta ehungintza sektoreetan nazioarteko merkataritza gidatu duten arauak guda osteko GATT hitzarmenetik hasi, eta MME baitan onartu eta geroztik indarrean diren bi nazioarteko hitzarmenen sorrerara arte: Nekazaritza Hitzarmena (NH) batetik eta Textil eta Jantzien Hitzarmena (TJH), bestetik. Era berean, aztertu egiten du MME-ren baitan bi hitzarmen hauen edukien inguruan hasieratik egungo egoera arte eman diren negoziazioen bilakaera, eta baita arautze jakin honek nola eragin duen bi mota hauetako produktuen nazioarteko elkartrukeen bilakaeran Hegoaldeko herrialdeen kasuan. Azterlanaren lehen ondorioa da, bi sektore hauetako nazioarteko elkartrukeen erregulazioa, guda ostetik gaur egunera arte, disparekoa izan dela Iparraldeko herrialdeen eta bertako nazioz gaindiko enpresen interes ekonomiko, politiko eta sozialen aldekoa, eta Hegoaldeko herrialdeen, haien enpresen, ekoizle txikien eta bertako populazioen kontrakoa. Bigarrena, Iparraldeko herrialdeen aldeko arautze dispareko horrek kaltetu egin duela hegoaldeko herrialdeen esportazio ahalmenak, eta horren ondorioz, haien parte hartzea nazioarteko elikagaien eta ehungintza alorreko ondasunen elkartrukeetan mugatua izan dela, bertako ekonomien eta biztanleen hazkunde eta ongizate aukerak murriztuz.