klima aldaketa sozioekonomiaren ikuspegitik

Résumé

Ekarpen honek, azken urteotan hainbesteko garrantzia bereganatu duen klima-aldaketaren arazoa ikuspegi sozioekonomikotik aztertzea du helburu. Artikuluan, klima-aldaketaren eragin fisiko eta ekonomikoei aurre egiteko beharrezkoak izango diren ekidite eta egokitze politikak aztertuko dira, bai ikuspegi orokorretik bai eskualdeen ikuspegitik ere. Horren harira, kontuan hartuko dugu Euskal Herria bezalako lurraldeek bere gain har dezaketen zeregina. Horretarako, norabide horretan egon litezkeen zailtasun eta kostuak laburbilduko dira, ekonomiaren ikuspegitik klima-aldaketaren arazoa merkatuaren akats bat bezala uler daitekeela kontuan hartuz eta ekimen publikoak konponbidean duen garrantzia azpimarratuz. Azkenik, nazioarteko elkarrizketei gainbegirada bat emango zaie, Kioto osteko prozesuak etorkizunean jasan dezakeen bilakaera aztertuz.