Irun eta hondarribiko alardeak eta genero ordena. Ikuspegi historiko bat 1993-2008

Zusammenfassung

Irun eta Hondarribiko Alardeen gatazkak 1996an eztanda egin zuen, hiru urte lehenago antolatzen hasi ziren emakume batzuk soldaduz jantzita Alardeetan desfilatzen saiatu eta genero ordena zalantzan jarri zutenean. Urratutako genero ordena eta orden soziala berrezartzeko egun horietan bertan emakumeak Alardeetatik kanporatu zituzten eta erreakzioa antolatzen hasi ziren, guztia aldatzen ari zen eta segurtasun ezaren sentsazioa gailendu zen hamarkadan Alardearen aldaezintasuna hartuz ziurtasun eta lasaitasun iturri. Horrez gain, ordena hautsi zuen disidentzia herri-komunitatetik kanporatu zuten emozioen zirkulazio, estigmatizazio eta kriminalizazio prozesu eta indarkeria bidez. Urte luzeetan luzatu zen konfliktoa eta bertan genero, nazio eta klase ardatzek nola gurutzatu zuten aztertu eta alderdi politiko, instituzio, lege, epaitegi, indar polizial eta mugimendu feministak izan zuten jarduna ikertuz gatazka bera ikuspuntu historiko batetik azaldu dut, betiere 90eko eta 2000ko hamarkadako euskal gizartearekin erlazioan jarriz.